کابل ښار کې د غبرګو سرتیرو بریدونو وروستي تعقیب/انځورونه – افغان وطن ویبپاڼه
انځور مرکې او راپورونه ملټي ميډيا

کابل ښار کې د غبرګو سرتیرو بریدونو وروستي تعقیب/انځورونه

نن سهار د کابل ښار شش درک سیمه کې د ملي امنیت د دفتر مخې ته هغه وخت یو سرتیری برید وشو کله چې امنیتي کسان خپلو دندو ته په لاره روان وو

په دغه برید کې د ملي امنیت کارکونکو ته ګڼه مرګ ژوبله واوښته

کله چې یادې سیمي ته د ژغورنې ډلې او خبریالان را ورسیدل پنځلس دقیقې وروسته یو بل سرتیري بریدګر چې د خبریال په لباس کې سیمې ته داخل شو، د خلکو په منځ کې ځانته چاودنه ورکړه

د دوهمې چاودنې قربانیان اکثره د داخلي او خارجي مطبوعاتو خبریالان وو

په دوهم برید کې د ازادي رادیو خبریال ”عباد الله حنانزی“ د یک تلویزون خبریال ”غازي رسولي“ د پرانس پریس خبریال او عکاس ”شاه مري فیضي“ د ژوندون تلویزیون خبریال ”توخي“ د طلوع نیوز عکاس او څو نور خبریالان وژل شوي او تر څنګ یې د ازادي رادیو د یو خبریال په شمول ګڼ شمیر نور خبریالان ټپیان دې

د ورستیو راپورونو په اساس په دواړو چاودنو کې د ملي امنیت د کارمندانو په شمول ۲۱ تنه وژل شوي او ۴۱ تنه د امنیتي ځواکونو او خبریالانو په شمول زخمیان دي

د کورنیو چارو وزارت خبریال نجیب دانش رسنیو ته منلې چې په دې بریدونو کې څلور تنه پولیس هم وژل شوي او درې نور ټپیان دي

د یادې خونړۍ پیښې مسؤلیت د داعش وسلوالو په غاړه اخیستی او ادعا یې کړې چې د ملي امنیت په نود ریاست یې دوه غبرګ سرتیري بریدونه کړي او د ملي امنیت زیاتو کسانو ته یې مرګ ژوبله اړولې ده

په پیښه کې د وژل شوو خبریالانو انځورونه :






کریم بریال

خپله څرګندونه مو پرې وکړئ

څرگندونې

خپور کړه

ستاسو برېښناليک به نه خپريږي. غوښتى ځایونه په نښه شوي *