افغان وطن یوه ناپېیلې او خپلواکه پاڼه – افغان وطن ویبپاڼه
افغانستان خبرونه

افغان وطن یوه ناپېیلې او خپلواکه پاڼه

مقدمه

افغان وطن یوه ناپېیلې، خپلواکه، دین او وطن ته متعهده ویب پاڼه ده، چې تر بشري نړۍ پورې د مظلومو افغانانو د غږ رسېدو په موخه نوی په کار پیل کوي او غواړي، چې د افغان غیور او کړېدلي ولس ناخوالو ته په اسلامي، بین الافغاني پوهاوي سره د کابو څلورو لسیزو را پدېخوا د نه جوړېدونکي ناسور اصلي لاملونه ـ چې د دوست او دښمن په جامه کې د پردیو دوامداره مداخلې دي ـ د پای ټکی پیدا ، او افغانان وکولای شي د خپل تېر تاریخ، افغاني وقار او غرور په اقتفاء د اغیارو د مداخلې سوړې درک او د یو اسلامي، افغاني اخوت په فضا کې نور د پردیو د ګټـو لپاره استعمال نه شي او د یو خپلواک، اسلامي، افغان شموله نظام څښتنان وګرځي.

افغانستان د ټولو توکمونو، نژادونو، ګډ کور دی او هر با احساسه افغان یې د هر قسمه تبعیض او تجزیې په کلکه مخالف دی.

افغانستان چې کابو څلور لسیزې د شرق او غرب د غبرګو اشغالونو په اور کې سوځي او له امله یې د پردیو د مداخلو په وجه د خپل منځي جنګ په نه جوړېدونکي ناسور اخته شوی او د یو بې سرپوښه دیګ په شان هر کس او ناکس ترې د خپلې خوښې ګټه اوچتوي او د هر راز پیشرفت مخه یې نیول شوې، د پردیو په وجه د تجزیې او هر قسم تبعیض لور ته کش شوی، تعلیم، صنعت، صحت، اقتصاد، زراعت، بیارغونه، او د نړۍ والو سره د سیالۍ بهیر یې د ملي او اسلامي پوښښ لاندې د یو خپلواک، افغاني او اسلامي نظام د نیستۍ له امله ټول له خاورو سره خاورې شوي.

افغان وطن غواړي دې ناخوالو ته د پای ټکي د اېښودو په موخه د بین الافغاني پوهاوي په بهیر کې افغان وطن د یو روښانه مستقبل په درلودلو او راخپلولو سره د خپل منځي شخړو له امله دا طوفاني شوې کښتۍ د ملي اواسلامي ارزښتونو تر پوښښ لاندې د یوې دائمي او عملي سولې تر ګودره د پردیو له لاس وهنو پرته په افغاني هوډ، په افغاني دود ورسوي او افغانستان د یو خپلواک، ځواکمن، بریمن او افغان شموله نظام په لور چې زموږ ملي او دیني هویت او حیثیت پکې خوندي وي؛ رهي کړو. ان شاء الله.

(د افغان وطن اداره )

ټگونه

خپله څرګندونه مو پرې وکړئ

1 څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *