په پکتیکا کې دامنیت امر وژل شوی – افغان وطن ویبپاڼه

زیرمتون

افغانستان خبرونه

په پکتیکا کې دامنیت امر وژل شوی

له پکتیکا ولایت څخه خبرونه کاږي دیاد ولایت د امنیه قومندانۍ د امنیت امر سمونوال اصف توخی له طالبانو سره په مخامخ جګړه کې وژل شوی.
اود ځانګړو ځواکونو قومندان خانزاده کاروان ټپي دی.

خانزاده کاروان د عزیز کاروان ورور، عزیز کاروان په جنوب حوزه کې د امریکایانو له لوري د خاص ځواکونو مشر وو چې تیر کال د کابل ښار په زړه کې د طالبانو له لوري په یوه چیرکي برید کې ووژل شو

د یادونې ده چې عزیز کاروان یو له هغه کسانو څخه وو چې د ملکي خلکو په وژنه تورن وو.

په سیمه کې یوې سرچینې افغان وطن ته ویلي چې اصف توخی په مخامخ جګړه کې نه بلکې د طالبانو له لورې په بمي چاودنه کې له منځه تللی.

د نوموړي په هکله ویل کیږي چې اصف توخی د زابل ولایت د پخواني والي خو اوس مهال په ولسي جرګه کې د زابل دخلکو استاذي حمید الله توخي زوی دی.

د پکتیکا ځايي چارواکو تر دې دمه په دې هکله څه نه دي ویلي

ټگونه

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *