په خوست کې د ۷ تنو وژل شویو قاتلین طالبانو سید کرم کې ونیول – افغان وطن ویبپاڼه

زیرمتون

افغانستان خبرونه

په خوست کې د ۷ تنو وژل شویو قاتلین طالبانو سید کرم کې ونیول

وروسته تر هغې چې دوه ورځې مخکې د خوست ولایت دیګانو کلي کې وسلوالو د یو کور ۷ تنه په وحشت سره ووژل، قاتلین یې طالبانو نیولي دي

یاده پیښه د ولایت مرکز ته نیږدې په څو کلومتیرۍ کې تر سره شوې وه او حکومت سمدلاسه سیمې ته رسیدلی وو خو د قاتلینو په نیولو کې یې سستي کړې وه

د طالبانو ویاند ذبیح الله مجاهد تازه په یوه خبر کې ویلي چې یاد قاتل (روژه ګل) او د هغه زوی یې د پکتیا ولایت سیدکرم ولسوالۍ د ډم په سیمه کې ژوندي نیولي

د مجاهد په وینا روژه ګل د تیښتې هڅه کوله چې د طالبانو له لوري ځای پرځای ووژل شو او زوی یې طالبانو نیولی دی

دا په داسې حال کې ده چې د خوست د والي ویاند له پیښې یوه ورځ وروسته رسنیو ته ویلي وو چې د پیښې په اړه د دوی تحقیقات روان دي

کریم بریال

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *