ولي د امریکایانو پاڅون دوامداره سو؟ – افغان وطن ویبپاڼه

زیرمتون

اند او تحلیل

ولي د امریکایانو پاڅون دوامداره سو؟

دوې هفتې کېږي چي تور، سپين، ځوان، زوړ، ښاري او کلیوالي امریکایان د پولیسو د تشدد پرخلاف پرله پسې مظاهرې کوي.

اکثره اعتراضونه سوله ایز دي، همدا وجه ده چي د امریکایانو او جهانیانو خواخوږي یې ترلاسه کړې ده.

امریکایان د ولسي اعتراضونو اوږد تاریخ لري.

‏ټرمپ د اعتراضونو په اولو ورځو کي خصمانه او جنګره موقف غوره کړ، د هغه دا بېرحمانه دریځ د قهرېدلو امریکایانو قهر لا راوپاروی.

ټرمپ مظاهرچیانو ته د ترورست، بلواګر، او انارکیست کلمات وکارول.

د ټرمپ او اقلیتونو روابط پخوا هم ښه نه ول، ټرمپ د کانګرس تورو استازو ته وویل بېرته خپل وطن ته ولاړ سئ.

‏ټرمپ امریکا ته راتلونکي مهاجر لاتین هسپانویان په قفسونه کي بندي کړل، د مسلمانانو پر خلاف یې بد الفاظ وکارول.

بلخوا، د کورونا مرض د امریکایانو ترمینځ اقتصادي نابرابري ښه برملا کړه، شتمنو امریکایانو له ښارونو څخه خپلو تفریحي کورونو ته فرار وکړ خو غریب امریکایان د کورونا په منګلو کي راګیر سول.

‏سوشل میدیا هم د اعتراضونو په خورولو کي محوري نقش ولوبوی، که د جورج فلوید قتل عامو خلګو نه وای ریکارد کړی، د فلوید سنه به ورکه سوې وای.

د اعتراض په دوران کي سوشل میدیا د پولیسو نور خشونت هم برملا کړ.

دغه راز په اعتراضونو کي د هغو میندو نقش هم بارز دی چي پولیسو یې اولادونه ورقتل کړي دي.

واحد فقیري

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *