ټرمپ: تصمیم مې بې سوچه نه دی، امریکا په افغانستان کې د پولیسو وظیفه اجرا کوي – افغان وطن ویبپاڼه

زیرمتون

خبرونه سيمه او نړۍ

ټرمپ: تصمیم مې بې سوچه نه دی، امریکا په افغانستان کې د پولیسو وظیفه اجرا کوي

د متحده ایالاتو ولسمشر ډونالډ ټرمپ یو ځل بیا خپله خبره تکرار کړې او ویلي یې دي چې امریکا په افغانستان کې د پولیسو وظیفه اجراء کوي.

نوموړي دا خبرې د وال سټریټ ژورنال په ځواب کې کړې دي.

ده لیکلي: ”‏ امریکا په افغانستان کې ۱۹ کاله پاتې شوې، زما تصمیم بې سوچه او یو دمي نه دی، امریکا هلته د پولیسو وظیفه اجرا کوي.“

ټرمپ ورته خبره د کابل او ننګرهار د بریدونو په اړه هم کړې وه، او ویلي یې وو چې افغانان باید خپله هر څه سم کړي.

نوموړی دا خبرې په داسې وخت کې کوي چې د امریکا او طالبانو د شوې توافقنامې په اساس امریکایي ځواکونه له افغانستانه د وتلو په حال کې دي.

داسې ښکاري چې ډونالډ ټرمپ د امریکا لاسونه په بشپړ ډول له افغانستانه راوباسي، همدا لامل دی چې تل یې په خبرو کې د امریکا د تیرو ولسمشرانو په پالیسیو نیوکې کړي دي.

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *