پکتیا: د زعفرانو کرکیله ډېره شوې – افغان وطن ویبپاڼه

زیرمتون

اقتصاد اند او تحلیل

پکتیا: د زعفرانو کرکیله ډېره شوې

د پکتیا د کرنې، اوبو لګوونې او مالدارۍ ریاست وایي؛ په یاد ولایت کې یې د زعفرانو د ټولنې له څلورو ډلو سره د زعفرانو د وچولو لپاره د پر مختللیو ماشینونو او نور مهمو توکيو مرسته کړې.

د دغه ریاست رییس انجنیر محمدالدین مومند وویل؛ دا دستګاوې د دې وړتیا لري، چې په یوه ساعت کې یوه کیلو زعفران وچ کړي.

د نوموړي په وینا، چې د ویشل شویو دستګاوو پر مټ به وکولی شي، چې په پکتیا کې د زعفرانو د پروسس په برخه کې شته ستونزې په نسبي ډول پای ته ورسوي.

اخوا د کرنې وزارت وزارت وایي؛ له دغه ډول مرستو څخه یې موخه د زعفرانو کرکیلې او د د هغوی د پروسس صنعت ته وده ورکول دي.

باید وویل شي، چې په وروستیو دوه کلونو کې په افغانستان کې د زعفرانو کرکیله ډېره شوې، چې حکومت یې د کوکنارو د کښت ښه بدیل بولي اړ دهقانان یې هم په کرلو خوښیږي؛ ځکه نرخونه یې خورا ښه دي.

پاتې دې نه وي، چې افغاني زعفران د نړۍ په کچه په اروپایي بازارونو کې خپل لومړی مقام خپل کړی، چې دا وخت د کابل په بازارونو ک د یوې کیلو زعفرانو بیه له ۶۰ تر ۷۰ زره افغانیو رسیږي.

تکل مبین

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *