جنرال بالډک: افغانستان زیاتي امپراتورۍ د سبا ناري پر ځای خوړلي دی – افغان وطن ویبپاڼه

زیرمتون

مرکې او راپورونه

جنرال بالډک: افغانستان زیاتي امپراتورۍ د سبا ناري پر ځای خوړلي دی

امریکايي متقاعد جنرال، ښاغلی بالډک، لیکي امریکایانو پر خپل حکومت باندي اعتماد له لاسه ورکړی دی، او د سیاستوالو او عادي خلګو تر مینځ د «اعتماد بحران» ایجاد سوی دی. هغه لیکي ۵۹ ٪ امریکایان د افغانستان د جنګ مخالف دي، خو بیا هم موږ تر اوسه پوري هلته خپل نظامي حضور ساتلی دی.

جنرال بالډک د ټایم په مجله کي د اګسټ پر ۳۰ لیکي افغانستان په خپل تاریخ کي زیاتي امپراتورۍ د سبا ناري پر ځای خوړلي دي. خو بیا هم موږ د افغانستان د جنګ د کوفتې ماشین ته خپل عسکر ور استوو.

هغه ادامه ورکوي او لیکي که څه هم په قطر کي د سولي خبري رواني دي، خو طالبان په قوي موقف کي دي، او هغوی پوهېږي چي د واشنګټن قدرت محدود دی.

جنرال بالډک کاږي د افغانستان جنګ د ډېر وخت راهیسي بد سمبال سوی دی، خو بیا هم زموږ مشران مدام امریکایانو ته وايي چي کامیابي رانژدې سوې ده، او فقط د دې کوچیني کوتل شاته ده. امریکايي مشران نه غواړي چي امریکایانو ته حقیقت وايي او د افغانستان د جنګ د مشکلاتو په اړه درست معلومات ور کړي.

هغه وايي د طالبانو بیا عروج زموږ د غلطو پالیسو نتیجه ده. موږ باید په ۲۰۰۲ کي کامیابي اعلام کړې وای، او له افغانستانه راوتلی وای. خو واشنګټن په افغانستان کي د دولت د جوړولو او دیموکراسۍ د ټینګولو په لټه کي سو.

څرنګه چي زموږ د ملکي او نظامي مشرانو سره حساب و کتاب نه کېږي، نو لهذا موږ په افغانستان کي په خټو کي بند یو.

جنرال بالډک علاوه کوي ما په افغانستان کي لس کرته نظامي ماموریت تېر کړی دی. زه د لومړیو عسکرو څخه وم چي افغانستان ته ورغلم. زموږ پوځ په مېړانه جنګېدلی دی.

مګر اوس زما باور دا دی چي د امریکايي عسکرو اضافه تلفات توجیه کېدلای نه سي. زموږ ځوان عسکر په روغتونونو کي زخمي او مات او ګوډ پراته دي. موږ په افغانستان کي د کامیابۍ لپاره یو جامع استراتيژیکي اپروچ ته اړتیا لرو، خو زما عقیده دا ده چي موږ د داسي یو اپروچ حوصله نور نه لرو. نو لهذا، یوازنی بل بدیل له افغانستانه راوتل دی.

واحد فقیري

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *