په خوست کې د مزغور سیمې د کمپاین قومندان شاهین په بم الوزول شوی – افغان وطن ویبپاڼه

زیرمتون

افغانستان خبرونه

په خوست کې د مزغور سیمې د کمپاین قومندان شاهین په بم الوزول شوی

له خوست ولایت څخه راپورونه وایي، چې تیره ورځ ماسپښین د خوست ولایت د مرکز اړوند د مزغور د کمپاین قومندان شاهین تنها چې د حبشخیلو د کلي اوسیدونکی وو، د ماین په چاودنه کې وژل شوی

د سیمې څخه راپورونه وایي، چې د شاهین تنها د سپارلۍ موټر د دغه ولایت مرکز اړوند د خاني خوړ په سیمه په ماین ختلی او نوموړی پکې وژل شوی دی

وسلوالو طالبانو د شاهین تنها د وژلو مسؤلیت منلی دی

په دې ورستیو کې په خوست ولایت کې دولتي کسان او د کمپاین یو شمیر قومندانان د طالبانو له لوري په بریدونو کې وژل شوي، چې څو ورځې مخکې د خوست ښار په سبزي منډیي سیمه کې هم یو تن د کمپاین قومندان جاوید الله تڼی د طالبانو له لوري ووژل شو

کمپاین ځواکونه په خوست ولایت کې د امریکایي ځواکونو له لوري په خاصه توګه روزل شوي چې له امریکایانو سره یوځای په چاپو کې ګډون کوي او د امریکایانو په امر او ترصد عملیات ترسره کوي چې له امله یې د خوست ولایت مختلفو سیمو کې سلګونه ملکیان وژل شوي دي

افغان دولت د یادو ځوکونو د کنترول او مهارولو څخه ځان عاجز بولي او تل یې د یادو ځواکونو په خپل سرو عملیاتو خاموشي غوره کړې ده

کریم بریال

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *