هندي ډاکټرانو د یوه مریض له خیټې حیرانونکې وسپنې رایستلي – افغان وطن ویبپاڼه

زیرمتون

خبرونه لوبې او روغتيا

هندي ډاکټرانو د یوه مریض له خیټې حیرانونکې وسپنې رایستلي

د هندوستان د “سندیزنګر” ولسوالۍ یو اوسیدونکي چې د خیټې د سخت درد له امله کړیده، د سیمي یوه روغتون ته تللی.

د Mirror په حواله چې د “شري لال بهادر شاستري” دولتي روغتون ډکټرانو موندلې، چې د مریض په خیټه کې ځینې وسپنې وجود لري.

یاد هندي سړی ۳۵ کلن دی، د دې سړي خپلوانو ویلي، چې دی د ګیډې له سخت درد څخه کړیده، چې څو ځلې د سیمې ” ﺳﻨﺪﯾﺮنګر” روغتون ته د درملنې په موخه تللی، خو د دې روغتون ډاکټران بریالي نشول چې لامل یې په ډاګه کړي، تر دې چې یاد کس د “لال بهادر” دولتي روغتون ته یوړل شو، هغو ډاکټرانو د “ایکسري” معاینې په مرسته وموندله چې د دې کس په خیټه کې فلزي لوازم وجود لري.

د مریض ډاکټر ویلي ” د عملیاتو په جریان کې ډاکټران توانیدلي چې د مریض له ګیډې څخه ۸ عدده کاچوغې، یو چاکو، یو میخ، یو د غاښونو برش او یو پیچکښ را وباسي”.

ویل کیږي چې د یاد کس روغتیایي حالت اوس د ډاډ وړ دی او دا علملیات د طبابت په تاریخ کې یو لړ حیرانونکي عملیات وو.

تر دې دمه معلومه نه ده چې یاد فلزي لوازم څنګه د مریض ګیډې ته دننه شوي، خو ډاکټران د یاد کس حالت د ډاډ وړ بولي او وایي چې دې عملیاتو څلور ساعته دوام وکړ.

الیاس الماس

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *