داعش په ننګرهار کې د حملې مسؤلیت په غاړه واخیست – افغان وطن – افغان وطن ویبپاڼه

زیرمتون

افغانستان خبرونه

داعش په ننګرهار کې د حملې مسؤلیت په غاړه واخیست – افغان وطن

د داعش تروریستي ډلې د یوې بیانیې په خپرو سره د ننګرهار د حملې چې په یوه خصوصي شرکت باندې شوي وه، په غاړه واخیست.

په داعش ډلې پورې مربوط اعماق خبري آژانس په یوه اعلامیه کې ویلي چې د دوی جنګیالي د نن ورځي په حمله کې چې د جلال آباد په ښار کې شوي لاس لري.

ویل شوي دي چې د نن ورځې په حمله کې چې د یوه سختماني شرکت په دفتر باندې شوي ده، تر ۱۶ پورې کسان پکې وژل شوي دي.

له دې وړندې د ننګرهار د سنیو دفتر ویلي وو، چې په یاده حمله کې د EBE د شرکت ۱۱ تنه ژول شوي او ۹ تنه نور ټپیان دي.

د ننګرهار د رسنیو دفتر څخه تر لاسه شوي خبرونه دا هم وایي چې په دې حمله کې د ملي امنیت یو تن عسکر هم وژل شوی دی.

د ننګرهار د رسنیو دفتر اعلامیه زیاتوي چې ۵ تنه حمله کوونکي هم له امنیتي ځواکونو سره په جګړه کې وژل شوي دي.

الیاس الماس

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *