مسعود اندرابي: هیڅ تروریست د جنګ میدان کې ژوندی پرې نږدئ – افغان وطن – افغان وطن ویبپاڼه

زیرمتون

مرکې او راپورونه

مسعود اندرابي: هیڅ تروریست د جنګ میدان کې ژوندی پرې نږدئ – افغان وطن

د افغانستان د کورنیو چارو وزارت نوی وزیر مسعود اندرابي د ویډیو کال له لارې د ګڼو ولایتونو له امنیه قومندانانو سره خبرې کړي دي

مسعود اندرابي له پولیسو په زغرده غوښتي چې د جنګ په میدان کې تروریستان ژوندي پرې نه ږدي

اندرابي په خپله لومړنۍ وینا کې امنیه قومندانانو ته ویلي چې د سولې خبرې کول د سیاسي مشرانو کار ده او پولیس باید د سیاسي اقدارو د لوړولو لپاره دښمنانو ته غاښ ماتونکی ځواب ورکړي

نوموړي ویلي چې امنیتي ځواکونه باید له دفاعي حالت څخه ځانونه تهاجمي حالت ته راولي او د دښمنانو خولې ور ماتې کړي

مسعود اندرابي دا خبرې داسې مهال کړي دي چې څه موده مخکې د افغانستان دفاع وزیر هم امنیتي ځواکونو ته د سر یې وهو سنګر ترې نیسو شعار ورکړی وو خو د جګړې په میدان کې یې تراوسه کوم پرمختګ نه تر سترګو کیږي

د هیواد امنیتي وضعیت هر کال د ژمي په موسم کې نسبتا ښه وي خو د ژمي په تیریدو سره وسلوال طالبان خپلو حملو ته زور ورکوي

دا په داسې حال کې ده چې ویل کیږي وسلوال طالبان د خپلو پسرلنیو عملیاتو لپاره تابیا نیسي او د خپلو تشکیلاتو په برابرولو کار کوي

کریم بریال

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *