سنګین کې بیا ګډو ځواکونو ۳۰تنو ملکیانو ته مرګ ژوبله اړولې – افغان وطن – افغان وطن ویبپاڼه

زیرمتون

مرکې او راپورونه

سنګین کې بیا ګډو ځواکونو ۳۰تنو ملکیانو ته مرګ ژوبله اړولې – افغان وطن

د هلمند ولایت څخه راپورونه وایي چې تیره شپه ددې ولایت سنګین ولسوالۍ په څاروان کلا سیمه کې افغان کمانډو ځواکونو د بهرنیو ځواکونو په ملتیا هوایي او زمیني عملیات کړي او دیرش تنو ملکیانو ته یې مرګ ژوبله اړولې ده

د سیمې اوسیدونکي وایي چې د څاروان کلا په پوزکي، خانانو، او بارکزیو په کلیو افغان او بهرنیو ځواکونو چاپه وهلې او هوایي بمبار یې کړی چې له امله یې د یوې کورنۍ شپاړس تنه ښځې، ماشومان،او سپین ږیري وژل شوي او څوالس تنه نور ټپیان دي

د سیمې د اوسیدونکو په وینا په ټپیانو کې ۸ تنه زنانه او ۶ تنه ماشومان شامل دي

ګډو ځواکونو د تیرې شپې په عملیاتو کې یو مسجد او درې کورونه په بشپړه توګه له منځه وړي

دا لومړی ځل نه ده چې د هلمند په سنګین ولسوالۍ کې انساني ناورین رامنځ ته کیږي بلکه یوه میاشت مخکې هم په یاده ولسوالۍ کې د ګډو ځواکونو په عملیاتو کې شپاړس تنه وژل شوي وو چې د هلمند والي یې په اړه ځان ناخبره باله
خو څو ورځې وروسته افغان ولسمشر په یوه خبري غونډه کې وویل چې د سنګین په شان د ملکیانو وژل ورته د منلو نه دي

د تیرې شپې د خونړیو عملیاتو په اړه تر اوسه د هلمند دولتي چارواکو څه نه دي ویلي او نه یې هم په افغانستان کې میشتو بهرنیو ځواکونو په اړه کومه تبصره کړې ده

کریم بریال

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *