په هرات کې بیځایه شوې کورنۍ د خپلو بډوګو (پشتورګو) پلورلو ته مجبوره شوي – افغان وطن – افغان وطن ویبپاڼه

زیرمتون

مرکې او راپورونه

په هرات کې بیځایه شوې کورنۍ د خپلو بډوګو (پشتورګو) پلورلو ته مجبوره شوي – افغان وطن

د هرات ولایت څخه راپورونه وایي چې ددې ولایت په جنوب کې هغه ۲۵۰ کورنۍ چې د نا امنیو له امله یې خپل کورونه پرې ایښي او بیځایه شوي دي ژوند یې له سختو کړاونو ډک تیریږي

د یادو بیځایه شویو کورنیو مالکانو ویلي چې سختو یخنیو او د سرپناه نشوالي یې ګڼ شمیر ماشومان ووژل خو دولت یې د ژوند ژغورنې لپاره هیڅ اقدام نکوي

د یادو کورنیو افرادو ویلي چې په سخت یخ او بارانونو کې یې بې سرپناه زندګي تیریږي چې له امله یې ماشومان مړه شوي دي

بیځایه شوې کورنۍ د زیاتې بیچارۍ او بې وزلۍ له امله اوس دې ته اړ شوي چې د خپلو کورنیو د غړو او ماشومانو بډوګو (پشتورګي) وپلوري او خپل ژوند له مرګه بچ کړي

دوی له دولت څخه شکایت کوي چې په میلینونو ډالر د بیوزله خلکو سره د مرستو په نوم راټولوي او خپلو بنکونو کې یې جمعه کوي خو د اړو کورنیو زندګي د مرګ سره په لوبو کې تیریږي ، مونږ دلته سرپناه نلرو او د بوجیو څخه مو خیمې جوړې کړي چې نه د باد مخنیوی کوي او نه د واورې او باران مخنیوی کوي، له همدې امله اوس مونږ د خپلو کورنیو د افرادو او ماشومانو د ګردو پلورل پیل کړي دي

تر دې وړاندې د هیواد پلازمینه کابل کې هم له هلمند او کندهار څخه بیځایه شویو کورنیو له دولت څخه شکایت کړی وو چې د واورو او یخني په موسم کې خوراکي او د سون توکو ته لاس رسی نلري او دولت یې غم نکوي

کریم بریال

خپله څرګندونه مو پرې وکړئ

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *